Në turizëm klienti ka gjithmonë të drejtë… derisa të lexosh review-n

Sot shumica e njerëzve nuk zgjedhin më një destinacion vetëm nga fotot apo reklamat. Gjëja e parë që shohin janë review-t. Mjafton një koment negativ dhe shumë turistë e përjashtojnë menjëherë atë hotel, restorant apo destinacion nga lista e tyre. Kjo tregon sa shumë fuqi kanë marrë vlerësimet online në industrinë e turizmit.

Shpesh një review pozitiv sjell besim, ndërsa një negativ krijon dyshim, edhe kur pjesa më e madhe e komenteve janë të mira. Turisti modern kërkon siguri para se të shpenzojë paratë dhe për këtë arsye mendimi i klientëve të tjerë është kthyer në “guidën” më të besueshme të udhëtimit.

Problemi është se jo çdo review pasqyron realitetin. Ka komente të shkruara nga nervozizmi i momentit, pritshmëri të ekzagjeruara apo edhe raste kur një detaj i vogël kthehet në kritikë të madhe. Megjithatë, ndikimi mbetet i fortë: një review mund të ndikojë më shumë sesa një fushatë marketingu.

Në fund, turizmi sot nuk shitet vetëm me pamje të bukura, por me reputacion online. Dhe ndonjëherë, një yll më pak në internet mjafton që një destinacion të humbasë dhjetëra klientë potencialë.