Trend i ri në turizëm: Sezoni i mesëm dhe rezervimet në minutën e fundit

Turistët në mbarë botën po ndryshojnë mënyrën se si planifikojnë pushimet e tyre. Sipas një raporti të publikuar nga portali ndërkombëtar i turizmit Travel and Tour World, gjithnjë e më shumë udhëtarë po preferojnë sezonin e mesëm (pra periudhat jashtë sezonit të lartë, si pranvera apo mesi i shtatorit) dhe rezervimet në minutën e fundit.

Ky trend është veçanërisht i dukshëm në vende si SHBA, Kanada, MB, Gjermani, Francë, Japoni dhe Australi. Arsyeja? Çmimet më të përballueshme, shmangia e turmave dhe fleksibiliteti që ofrojnë teknologjitë moderne të rezervimit.

Ekspertët thonë se turizmi tradicional me planifikim muaj përpara po zëvendësohet nga vendimmarrja e shpejtë dhe më spontane – sidomos nga të rinjtë dhe udhëtarët individualë.